Уталиева Райхан Сагитжановна

Педагогика ғылымдарының кандидаты, тәжірибелі ғалым әрі жоғары білім беру саласының білікті ұйымдастырушысы. Ол 1993 жылы Атырау педагогикалық институтының филология факультетін тәмамдап, кейін 1999 жылы Атырау мұнай және газ институтында «Кәсіпорындағы экономика және менеджмент» мамандығы бойынша екінші жоғары білім алған. Еңбек жолын білім беру саласында бастап, ұзақ жылдар бойы Атырау мұнай және газ институтында қызмет атқарды. Кейін Х. Досмұхамедов атындағы Атырау мемлекеттік университетінде «Менеджмент» кафедрасының меңгерушісі (2013–2023 жж.) қызметін атқарып, қазіргі уақытта Экономика және құқық факультетінің деканы ретінде еңбек етуде. 2006 жылы «Жалпы педагогика, педагогика және білім беру тарихы, этнопедагогика» мамандығы бойынша кандидаттық диссертациясын сәтті қорғап, педагогика ғылымдарының кандидаты ғылыми дәрежесін иеленді. Оның ғылыми қызығушылықтары менеджмент, тайм-менеджмент, персоналды басқару және стратегиялық менеджмент салаларын қамтиды. Райхан Сагитжановна – 100-ден астам ғылыми еңбектің авторы. Оның ішінде 1 авторлық куәлік, 4 оқу құралы және 2 монографиясы жарық көрген. Ғалымның жетекшілігімен 30-дан астам магистрант ғылыми жұмыстарын қорғаған. Сонымен қатар Scopus және Web of Science базаларына енген жоғары импакт-факторлы журналдарда 6 ғылыми мақаласы жарияланған, ал 40-тан астам еңбегі ҚР БҒМ БҒСҚК ұсынған басылымдарда жарық көрген. Оқытушы ретінде «Менеджмент», «Тайм-менеджмент», «Стратегиялық менеджмент» және «Персоналды басқару» пәндерінен дәріс береді. Ол «Операциялық және өндірістік менеджмент» (2021), «HR-менеджмент» (2022), «Менеджмент» (2023), «Управление корпоративными медиакоммуникациями» (2024) атты оқу құралдарының авторы. Сонымен қатар «Қазақстанның әлеуметтік-экономикалық дамуындағы тікелей шетелдік инвестициялардың рөлін талдау және бағалау» (2018) және «Қазақстан–Еуропа ынтымақтастығы: сауда-экономикалық аспект» (2020) атты монографиялары жарық көрген. Халықаралық тәжірибе алмасу мақсатында 2018 жылы Германияның Дюссельдорф университетінде және 2022 жылы Түркиядағы 18 Март университетінде тағылымдамадан өткен. Еңбегі жоғары бағаланып, ҚР Білім және ғылым министрлігінің Құрмет грамотасымен (2016), «Үздік оқытушы – 2017» гранты және төсбелгісімен (2018), «Жоғары және жоғары оқу орнынан кейінгі білім беру үздігі педагогы» төсбелгісімен (2020), сондай-ақ 2024 жылы жоғары білім беру ісінің үздігі Құрмет дипломымен марапатталған.