Атырау университетінде Тоғызқұмалақ күні аталып өтті

Х.Досмұхамедұлы атындағы Атырау университетінде 9 қыркүйек – Тоғызқұмалақ күніне арналған шара өтті.

Ұлттық құндылығымызды насихаттаған спорт жиынына оқу ордамыздың студенттері, профессор-оқытушылар кұрамы және оқушылар белсене қатысты.

ЮНЕСКО-ның әлемдік мәдени мұралар тізіміне енгізген ұлттық ойынымызбен бүгінде Қазақстан бойынша 200 мыңнан астам адам тұрақты түрде айналысады.

Іс-шараның ашылуында университеттің Жастар саясаты және әлеуметтік мәселелеп жөніндегі проректоры Ләйлә Қойшығұлова құттықтау сөз сөйлеп, ұлттық ойынды дәріптеудің маңыздылығына тоқталды.

Сонымен қатар, шараға Қазақстан Республикасының тоғызқұмалақтан 9 дүркін чемпионы, жоғары дәрежедегі ұлттық төреші Құрманбай Ашетов, сондай-ақ белгілі жаттықтырушы, ұлттық дәрежелі төреші Айнагүл Сүлейменова қатысты.

Шара соңында қатысушыларға Алғыс хаттар табысталып, естелік суретке түсті.