«Каспий серіктестігі: балық шаруашылығы мен аквамәдениеттің тұрақты дамуы» халықаралық форумның жалғасы ретінде Халел Досмұхамедов атындағы Атырау университетінің базасында «Каспий теңізіндегі аквамәдениет пен ғылыми зерттеулерді дамыту» тақырыбында дөңгелек үстел өтті.
Іс-шара барысында қатысушылар өңірдегі аквамәдениетті дамыту перспективаларын, сала үшін білікті кадрлар даярлау мәселелерін, бірлескен ғылыми-зерттеу жобаларын іске асыруды, сондай-ақ Каспий бассейнінің биологиялық ресурстарын сақтау және ұтымды пайдалану шараларын талқылады.
Баяндамалармен Атырау облысы әкімінің орынбасары Марат Бисенғалиұлы Мурзиев, Балық шаруашылығы комитетінің төрағасы Серік Сағитжанұлы Сермағамбетов, Халел Досмұхамедов атындағы Атырау университетінің ректоры Саламат Нұрмұханұлы Идрисов, сондай-ақ Ресей Федерациясы, Иран Ислам Республикасы және Әзербайжан Республикасының өкілдері сөз сөйледі.
Ашық пікірталас форматында қатысушылар саланың өзекті мәселелері бойынша пікір алмасып, бар проблемалар мен оларды шешудің мүмкін жолдарын талқылады, сондай-ақ халықаралық және ғылыми ынтымақтастықты одан әрі дамытудың перспективалы бағыттарын айқындады.
Балық шаруашылығы саласы үшін мамандар даярлайтын жетекші өңірлік орталық ретінде университет үшін бұл іс-шараның маңызы ерекше. Фестиваль ғылым, білім беру және өндіріс арасындағы өзара байланысты нығайтуға, тәжірибе алмасуға және балық шаруашылығы мен аквамәдениет саласындағы халықаралық ынтымақтастықты дамытуға арналған тиімді алаңға айналды.
