Жайық өзенінің тайыздануы мен түбінің ластануы және биоалуантүрлілікті сақтау мәселелері бойынша дөңгелек үстел

2024 жылғы 11 қарашада «Жайық өзенінің тайыздануы мен түбінің ластануының экологиялық мәселелері және биоалуантүрлілікті сақтау жолдары» тақырыбында дөңгелек үстел өткізілді. Оған келесі ұйымдардың өкілдері қатысты: Махметова Назерке Талғатқызы – Ғылыми және мониторинг бөлімінің басшысы, «Ақжайық» мемлекеттік табиғи резерваты, Қазақстан Республикасы Экология және табиғи ресурстар министрлігінің Орман шаруашылығы және жануарлар дүниесі комитеті. Сегизбаева Маржангүл Санимжанқызы – РГП «Қазгидромет» Атырау облыстық филиалы, инженер-химик. Болатханов Бакен Болатханович – «Каспиймұнайгаз» Ғылыми-зерттеу және жобалық институты АҚ, кешенді экологиялық қызмет көрсету орталығының директоры. Тұрсынбеков Сапар Досқараевич – Қазақстан Республикасы Экология және табиғи ресурстар министрлігінің Экологиялық реттеу және бақылау комитеті, Атырау облысы бойынша Экология департаменті, зертханалық-аналитикалық бақылау бөлімінің басшысы. Іс-шараны ұйымдастырушылар: Атырау университетінің Экология кафедрасының ғылыми жұмысы үшін жауапты, PhD, қауымдастырылған профессор Есенаманова Ж.С., және кафедра студенттерінің практикасын ұйымдастыру үшін жауапты, к.п.н., қауымдастырылған профессор Тлепбергенова А.Е.