Басты бет › Тұрақты дамуы › Жақсы денсаулық және әл-ауқат

Жақсы денсаулық және әл-ауқат

Х. Досмұхамедов атындағы Атырау университеті Тұрақты даму мақсаты №3 – «Салауатты өмір және әл-ауқат» бағытына салауатты өмір салтын қалыптастыру және жаратылыстану ғылымдары, экология және дене шынықтыру салаларында білім беруді дамыту арқылы үлес қосады. Университетте студенттердің денсаулығын нығайтуға барлық жағдай жасалған: спорт кешендері жұмыс істейді, бұқаралық спорттық және сауықтыру іс-шаралары ұйымдастырылады, профилактикалық бағдарламалар жүзеге асырылады. Сонымен қатар білім алушыларға психологиялық қолдау көрсетуге және қауіпсіз білім беру ортасын қалыптастыруға ерекше назар аударылады. Ғылыми зерттеулер, ағартушылық жобалар және өңірдің медициналық ұйымдарымен ынтымақтастық арқылы университет қоғам денсаулығын нығайтуға және халықтың өмір сапасын арттыруға ықпал етеді.

«Еуропадан Азияға» марафоны – Атырау университетінің студенттері қатысуымен
2024 жылғы 13 қазанда Атырау қаласында «Еуропадан Азияға» атты марафон старт алды. Бәсекеге Өзбекстан мен Ресейдің ардагерлері қатысса, Х.Досмұхамедов атындағы Атырау университеті студенттері мен түлектері де белсенді қатысты. 1-курс студенттері «6В05201 – Қолданбалы экология», «6В05202 – Экоаналитика» және «6В05203 – Қалдықтарды басқару» білім беру бағдарламаларынан марафонға қатысты. Қатысушылар спорттық рухты, командалық жұмыс қабілетін және салауатты өмір салтын көрсетті. Марафон жастар арасында спортты насихаттауға, халықаралық және университетаралық байланыстарды нығайтуға және белсенді азаматтық ұстанымды қалыптастыруға бағытталды.
Қазақстан парадзюдо құрамасы Гизадағы IBSA Judo Grand Prix турнирінде 2-орын алды
Гиза қаласында өткен 2025 IBSA Judo Grand Prix халықаралық турнирінде Қазақстан парадзюдо құрамасы жалпыкомандалық есепте 2-орынға ие болды. Университетіміздің мақтанышы, 2024 жылғы Паралимпиада қатысушысы, Әлем кубогының жеңімпазы, Гуманитарлық ғылымдар және өнер факультетінің 2 курс студенті Альфия Тлекқабыл (-52 кг, J1) қарсыластарын айқын басымдықпен жеңіп, алтын жүлдені иеленді!
Атырау университетінің 3×3 ерлер баскетбол командасы XIII Жазғы Универсиаданың жеңімпазы атанды
Х.Досмұхамедұлы атындағы Атырау университетінің ерлерден құралған 3×3 баскетбол командасы XIII Жазғы Универсиаданың жеңімпазы атанды! Талантты спортшыларымызға, бапкерлер құрамына алғыс білдіреміз! Бұл – жеңіске деген жігердің, ұйымшылдықтың және қажырлы еңбектің нәтижесі!
Әмин Тұяқов атындағы жеңіл атлетикалық жарыстың қорытындысы
Халел университетіндегі оқу орнының 1960 жылғы түлегі, Еуропа кубогының иегері , Кеңес Одағының бірнеше дүркін жеңімпазы, рекордшысы, КСРО-на еңбегі сіңген спорт шебері, Маңғыстау және Атырау облыстарының Құрметті азаматы Әмин Тұяқовтың құрметіне өткен жеңіл атлетикалық жарыс қорытындыланды Жарысқа Атырау университетінен, қаладағы бірқатар колледждерден және жеке қатысушылардан құралған, барлығы жеті команда, жалпы саны 105 адам қатысты. 100 метрге жүгіруден Ерлер арасында – Дәуір Жоламан (Индер ауданы, Өрлік селосы), Бақытжан Кенжалы («Болашақ» колледжінің «Вестерн» тобы), Алмат Жасбатыров (политехникалық колледж); Қыздар арасынан – Жұлдыз Заманғалиева («Вестерн»), Әсел Русланова (политколледж), Ангелина Константинова (Атырау университеті) жеңімпаз атанып, жүлделі орындарды еншіледі. 1500 метрлік қашықтықта Ерлер арасынан – Еркебұлан Аташев (жеке қатысушы), Жоламан Дәуір (жеке қатысушы), Болат Мұқашев («Вестерн»); Қыздар арасынан – Альфия Мұхиденова (Атырау университеті), Жұлдыз Заманғалиқызы («Вестерн»), Ақнұр Ізім (Атырау университеті) бағы жанды. Жеңімпаздар мен жүлдегерлер мақтау қағазымен , төсбелгімен және ақшалай сыйлықтармен марапатталды. Қаржылай қолдау университет кәсіподағы тарапынан көрсетілді.
Атырау университетінің студенттері Қырғызстандағы ІІ Ұлттық спорт ойындарында жеңіске жетті
2025 жылдың 20–21 қазан күндері Қырғызстан Республикасының Бішкек қаласында Қырғыз-Түрік «Манас» университетінің 30 жылдық мерейтойына орай Түркі мемлекеттері ұйымына мүше елдердің жоғары оқу орындары арасында ІІ Ұлттық спорт ойындары өтті. Ұлттық спорт ойындары жеті түрлі спорт бойынша ұйымдастырылып, Х.Досмұхамедұлы атындағы Атырау университетінің студенттері күрес түрлерінен сынға түсті. Университет спортшыларының жетістігіне тоқталсақ. Избасаров Ақниет – қырғыздың “Алыш” күресі, 60 кг – 1 орын Аманұлы Ақылбек – “Алыш” күресі, 70 кг – 3 орын Сарсенғалиев Нұржан – “Алыш” күресі, 80 кг – 1 орын Анесов Нұрасыл – түріктің “Шалвар” күресі, 70 кг – 1 орын Сарсенғалиев Нұржан – қырғыз күресі, 85 кг – 3 орын Осылайша, Атырау университетінің спортшылары жалпы есепте 3 алтын, 2 қола медаль жеңіп алып, халықаралық деңгейде университет абыройын асқақтатты.
Альфия Тлекқабыл Азия чемпионатында алтын медаль жеңіп алды
Астана қаласында өткен пара дзюдодан Азия чемпионатында ел намысын қорғаған Альфия Тлекқабыл 52 келі салмақ дәрежесінде (J1 санаты) алтын медаль жеңіп алды. Альфия жарыс барысында жоғары шеберлік көрсетіп, қарсыластарын айқын басымдықпен қапы қалдырды: 1/4 финалда – поляк спортшысы Новиа Ларасатиді, жартылай финалда – отандасымыз Іңкәр Бауыржанды, ал финалда – өзбек спортшысы Фотима Тоированы жеңіп, Азия чемпионы атанды. Бұл — Альфияның алғашқы ірі жеңісі емес. Ол 2023 жылы да Астанада өткен сары құрлық бәсекесінде 57 келі салмақта чемпион атанған болатын. Айта кетейік, Альфия Тлекқабыл — Х. Досмұхамедұлы атындағы Атырау университетінің Гуманитарлық ғылымдар және өнер факультетінің 3-курс студенті. Альфияның бұл жеңісі – университет үшін үлкен қуаныш. Өз кезегінде басқарма төрағасы–ректоры Саламат Идрисов Азия чемпионатындағы жарқын жетістігі үшін Альфияны арнайы қабылдап, ыстық ықыласын білдіріп, алдағы додаларға сәттілік тіледі.
Репродуктивті медицинадағы инновациялар: ғылыми семинар қорытындысы
Досмұхамедов атындағы Атырау университетінің Биология және балық шаруашылығы кафедрасының ұйымдастыруымен, «Экомед-Атырау» клиникасының қатысуымен «Экстракорпоральды ұрықтандыру – Қазақстанда. Дамуы. Жетістіктері» атты ғылыми семинар өтті. Бұл ғылыми семинардың басты мақсаты — экстракорпоральды ұрықтандыру (ЭКҰ) саласындағы ғылыми және клиникалық жетістіктерді талқылау, эмбриологиядағы заманауи технологияларды таныстыру және биология саласының студенттері мен жас ғалымдарының кәсіби көкжиегін кеңейту.Сонымен қатар: • Қазақстандағы ЭКҰ технологиясының даму деңгейін саралау, оның ғылыми және практикалық жетістіктерін көрсету; • Университет пен «Экомед-Атырау» клиникасы арасындағы ғылым мен тәжірибені біріктіру, студенттерді нақты клиникалық процестермен таныстыру; • Биология мамандығының білім алушыларына инновациялық медициналық зерттеулердің негізін үйрету, кәсіби деңгейін арттыру. ЦУР 3 – Денсаулық пен амандықты сақтау секциясына енгізу себебі: • Семинардың басты тақырыбы — экстракорпоральды ұрықтандыру, яғни репродуктивті денсаулық пен аналық аталық жасушалардың биологиялық сапасын сақтау мәселелері; • ЭКҰ технологиясы репродуктивті медицина саласындағы басты инновациялық бағыттардың бірі, ол отбасыларға бала сүю мүмкіндігін береді, демек, халық денсаулығын жақсартуға тікелей әсер етеді.

—