Теңіз экожүйелерін сақтау

• Атырау университетінің студенттері «Таза Қазақстан» акциясына қатысып, «Ақжайық» табиғи қорында ағаш отырғызды

  2024 жылғы 17 қазанда Х.Досмұхамедов атындағы Атырау университеті «6В05201 – Қолданбалы экология» білім беру бағдарламасының 3-курс студенттері Мемлекеттік табиғи Ақжайық қорында Приморский аймағында ағаш отырғызуға қатысты. Бұл іс-шара Республикалық экологиялық Таза Қазақстан акциясы аясында, Орман шаруашылығы қызметкерлерінің күніне орай ұйымдастырылды. Студенттер «Экология» кафедрасының оқытушыларының жетекшілігімен жұмыс жасап, ағаш отырғызу және күтім жасау әдістерін, сондай-ақ өңірдің экологиялық ерекшеліктерін үйренді. Іс-шара экологиялық мәдениетті қалыптастыруға, командалық жұмыс дағдыларын дамытуға және табиғи ресурстарды қорғаудың маңызын түсінуге ықпал етті. Сонымен қатар студенттер практикалық тәжірибе жинап, биоалуантүрлілік пен тұрақты табиғат пайдалануды тереңірек түсінді.

  

• Атырау университетінің студенттері үшін Tengizchevroil өндірісі туралы қонақ дәріс

  2024 жылғы 29 қазанда Х.Досмұхамедов атындағы Атырау университеті «6B05201 – Қолданбалы экология» білім беру бағдарламасының 3-курс студенттері үшін «Экология» кафедрасында қонақ дәріс өтті. Дәрісті Хайрлиев Алибек Акилбекович — Тенгизшевройл өндірісі бойынша эксплуатация консультанты жүргізді. Дәріс барысында студенттер компанияның негізгі технологиялық процестерімен, өндірістік тәуекелдерді басқару әдістерімен, экологиялық стандарттар мен өнеркәсіптік қауіпсіздік талаптарымен танысты. Сондай-ақ табиғи ресурстарды тиімді пайдалану, қоршаған ортаға әсерді азайту және заманауи экологиялық технологияларды енгізу мәселелеріне ерекше көңіл бөлінді. Дәріс студенттерге ірі мұнай-газ кәсіпорындарының жұмысымен практикалық танысуға, өндірістік экология саласындағы білімдерін нығайтуға және экология мен тұрақты табиғат пайдалануды қамтамасыз ететін болашақ кәсіби қызметке дайындалуға мүмкіндік берді.

  

• Жайық өзенінің түбінің тартылуы мен ластануы мәселелеріне арналған дөңгелек үстел

  2024 жылғы 11 қарашада Атырау университеті Х.Досмұхамедов атындағы «Жайық өзенінің түбінің тартылуы мен ластануы мәселелері және биоалуантүрлілікті сақтау жолдары» тақырыбында дөңгелек үстел өткізді. Іс-шараға келесі ұйымдардың өкілдері қатысты: Махметова Назерке Талғатқызы – «Ақжайық» мемлекеттік табиғи резерваты Ғылым және мониторинг бөлімі бастығы, ҚР Экология және табиғи ресурстар министрлігінің Орман шаруашылығы және жануарлар дүниесі комитеті. Сегізбаева Маржангуль Санимжановна – РГП «Қазгидромет» Атырау облысы филиалы, инженер-химик. Болатханов Бакен Болатханович – АҚ «Каспиймунайгаз» ҒЗИ және жобалау институты, кешенді экологиялық қызмет көрсету орталығының директоры. Тұрсынбеков Сапар Досқараевич – Атырау облысы Экология департаменті, ҚР Экология және табиғи ресурстар министрлігінің экологиялық реттеу және бақылау комитеті, зертханалық-аналитикалық бақылау бөлімінің басшысы. Іс-шараны ұйымдастырғандар: Есенаманова Жанар Санақызы – Экология кафедрасының ғылыми жұмысы бойынша жауапты, және Тлепбергенова Анар Ерсаиновна – студенттердің практикалық даярлығын ұйымдастыру бойынша жауапты. Дөңгелек үстел барысында Жайық өзенінің түбінің тартылуы мен ластану проблемалары, экологиялық қауіптер, биоалуантүрлілікті сақтау жолдары талқыланды және нақты ұсыныстар мен шешімдер ұсынылды.

  

• Х. Досмұхамедов атындағы Атырау университетінде Каспий маңы елдері университеттері қауымдастығының XXVII Бас ассамблеясы өтті
  Х.Досмұхамедұлы атындағы Атырау университетінің 85 жылдық мерейтойы аясында бүгін Каспий маңы елдерінің университеттері мен ғылыми-зерттеу орталықтары қауымдастығының XXVII Бас ассамблеясының мәжілісі өтті. Ассамблея барысында Каспий аймағындағы университеттердің білім мен ғылымдағы интеграциясын дамыту, экологиялық және технологиялық мәселелер бойынша ортақ ғылыми бағыттар айқындалды. Атап өтейік, Каспий маңы елдері мемлекеттік университеттері қауымдастығы қазіргі күні аймақтың ғылым, білім және мәдени байланыс саласындағы сенімді әріптесіне айналған. Алдағы уақытта бұл байланыстар іргесін кеңейтіп, студенттер мен оқытушылардың тәжірибе алмасуын көздейтін «Прикаспийский кампус» жобасы қолға алынып, ғалымдар мен инженерлердің жаңа буыны даярланбақ. Сондай-ақ, зерттеу жобалары бойынша стипендия тағайындап, қауымдастық құрамына кіретін елдердің салт-дәстүрін, тілін зерттеп, насихаттауға арналған «Каспий – мәдени диалогтар аймағы» жобасы ұсынылып отыр. Еуропа, Азия және Таяу Шығыс университеттері қауымдастықтарымен меморандумдарға қол қойылып, Erasmus+, Horizon Europe, Green Central Asia және басқа да халықаралық гранттық бағдарламаларға қатысу көзделіп отыр.
• Теңіз экожүйелерін қорғау және Каспийді сақтау мәселелері бойынша ғылыми дөңгелек үстел (2025)

  Университет теңіз экожүйелерін қорғау және биоалуантүрлілікті сақтау бағытында жүйелі жұмыстар жүргізуде. 2025 жылы университет «Қазақстанның тұрақты дамуы: инфрақұрылымды жаңғырту, Каспийді қорғау» тақырыбында ғылыми дөңгелек үстел өткізді. Іс-шарада ғалымдар Каспий теңізінің деңгейінің өзгеруі, биоалуантүрлілік, экологиялық құқықтар және қоғамдық қатысу мәселелерін талқылады.

  

• SDG 14 аясында Жайық–Каспий су айдындарындағы балықтардың көбеюі мен дамуының өзекті мәселелері
  Ортақ әрекет, ықпал, тәжірибе" өңірлік панельдік дискуссиясының Х.Досмұхамедов атындағы Атырау Университетінің Каспий қоршаған ортаны кешенді зерттеу және мониторинг зертханасының меңгерушісі Жуматова Г.Г. SDG 14 аясында «Жайық-Каспий су айдындарындағы балықтардың көбеюі мен дамуының өзекті мәселелер» бойынша баяндады. Университет биоалуантүрлілікті қорғау және балық ресурстарын тұрақты басқару бағытында ғылыми мониторингтер жүргізіп, теңіз экожүйесін сақтауға бағытталған тәжірибелік жұмыстар жасалуда.

—

—