Спартакиада аясында ойындар жалғасуда

Х. Досмұхамедұлы атындағы Атырау университетінде профессор-оқытушылар мен қызметкерлер арасында дәстүрлі спартакиада жалғасын табуда.

Бүгін факультеттер арасындағы футзал матчтары басталды. Командалар алаңда шеберліктерін көрсетіп, бір-бірімен тартысты ойында бақ сынады.

Жарыстың нәтижесінде Физика, математика және ақпараттық технологиялар факультеті, Жаратылыстану ғылымдары факультеті, Инновациялық білім беру факультеті, сондай-ақ Гуманитарлық ғылымдар және өнер факультеті жартылай финалға жолдама алды.

Финалдық кездесулер ертең өтеді. Барлық университет ұжымын командаларды қолдап, жанкүйер болуға шақырамыз!