«Процесс құпиясы» атты білімділер сайысы өтті

Халел Досмұхамедов атындағы Атырау университетінде даңқты қолбасшы, жазушы, ұлт қаһарманы Бауыржан Момышұлының 115 жылдығына орай «Процесс құпиясы» атты білімділер сайысы өтті.

Сайыс экономика және құқық факультетінің қылмыстық-құқықтық пәндер кафедрасы мен Атырау облыстық, қалалық және табиғатты қорғау прокуратураларының бірлесуімен ұйымдастырылды. Іс-шараға тәжірибелі прокурорлар қатысып, әділ төрелік етті.

 Әділқазылар алқасы құрамында облыстық прокуратура өкілдері болды.

5 команда, 5 кезең бойынша өткен сайыста:

«Құқық қырандары», «Прокурорлар», «Тергеушілер», «Lawyers», «Судьялар алқасы» командалары өзара бақ сынасты.

Сайыстың ашылуында Экономика және құқық факультетінің деканы Уталиева Райхан Сағытжанқызы сөз сөйлеп, студенттерге сәттілік тіледі.

Жеңімпаздар:

-«Тергеушілер»

-«Lawyers», «Құқық қырандары»

-«Судьялар алқасы», «Прокурорлар»

-«Үздік бейнебаян» — «Lawyers» командасы

Бұл білім сайысы студенттердің кәсіби білімі мен құқықтық сауаттылығын арттырып, Бауыржан Момышұлының тағылымды өмірін насихаттауға зор үлес қосты.

Іс-шараны жоғары деңгейде өткізуге қолдау көрсеткен Атырау облысы прокуратурасына алғыс білдіреміз!