Х.Досмұхамедұлы атындағы Атырау университетінің студенттері мен «Ұстаз» мектебінің оқушылары Атырау жастар театрының «Мұғалім» әлеуметтік драмасын тамашалады. Өнер ордасының үздік репертуарларының бірі саналатын қойылымды Х. Досмұхамедұлы атындағы Атырау университетінің Басқарма төрағасы – ректоры Саламат Идрисов та көремен қатарында тамашалады.
«Атырау университеті үшін арнайы ұсынылған «Мұғалім» спектаклі үшін театр ұжымына шынайы ризашылығымды білдіремін. Бұл қойылымның үлкен тәрбиелік мәні бар. Өйткені ұстаздық – жай ғана мамандық емес, жас ұрпақтың тағдырына жауапкершілікпен қарап, оның бойына білім мен тәрбие, адамгершілік пен ізгіліктің дәнін себетін үлкен миссия», – деді театр ұжымына ризашылығын білдірген Саламат Идрисов.
Қойылым жастар арасында рухани-адамгершілік құндылықтарды дәріптеуге, ұстаз мамандығының маңызын терең түсінуге және олардың мәдени дүниетанымын кеңейтуге бағытталған көрермені көп спектакль.
