Атырау университетінде информатика пәнінен Республикалық пәндік олимпиада өтті!

Х.Досмұхамедов атындағы Атырау университетінде информатика мұғалімдерін даярлау білім беру бағдарламалары тобы бойынша Республикалық пәндік олимпиада – 2025 өтті!
Олимпиадаға еліміздің түкпір-түкпірінен 16 жоғары оқу орнының үздік студенттері қатысты. Қазақ және орыс тілдерінде ұйымдастырылған бұл білім сайысында студенттер бағдарламалау бағыты бойынша білімдерін сынап, кәсіби шеберліктерін көрсетті.
Олимпиада 1 турдан тұрды, студенттер есептер шығару (бағдарламалау) бойынша бақ сынап, алгоритмдік ойлау, логикалық тапсырмалар және нақты практикалық есептер беріліп, соларды шешу арқылы білім деңгейлері бағаланды.
Олимпиада жеңімпаздары:
I орын
– «Қорқыт ата» атындағы Қызылорда университетінің студенттері:
Турусбек Ерасыл, Есмамбетов Исатай.
II орын
– Семей қаласының Шәкәрім атындағы университетінің студенттері:
Мұхаметкәрім Қаныш, Сембинов Алмат;
– Л.Н. Гумилев атындағы Еуразия ұлттық университетінің студенттері:
Нұрғазы Ермахан, Сағындыков Елдар.
III орын
– Ш.Есенов атындағы Каспий технологиялар және инжиниринг университетінің студенттері:
Халдар Әмірбек, Ақиқат Халифа;
– Қ. Жұбанов атындағы Ақтөбе өңірлік университетінің студенттері: Кендебай Нұрғали, Ошақбай Аружан;
– Қазақ ұлттық қыздар педагогикалық университетінің студенттері:
Әбдірәсіл Айдана, Зұлпыхар Кәусар.
Барлық қатысушылар мен жеңімпаздарды құттықтаймыз!