NCOC компаниясының студенттерге арналған қауіпсіздік техникасы бойынша қонақ дәрісі

2024 жылғы 6 қыркүйекте Х.Досмұхамедов атындағы Атырау университеті студенттері үшін NCOC компаниясының өкілдері қауіпсіздік техникасы бойынша танымдық дәріс өткізді. Дәріс барысында өндірістік нысандардағы негізгі қауіпсіздік ережелері, оқиғалардың алдын алу әдістері, жеке қорғаныс құралдарын пайдалану талаптары, сондай-ақ еңбек және өндірістік қауіпсіздік стандарттарын сақтау маңыздылығы түсіндірілді. Студенттерге өндірісте қауіпсіз жұмыс істеу, төтенше жағдайларға әрекет ету және жұмыс орнындағы тәуекелдерді азайту бойынша практикалық кеңестер берілді. Арнайы назар мұнай-газ саласында жұмыс ерекшеліктеріне және корпоративтік қауіпсіздік стандарттарын енгізуге аударылды. Дәріс студенттердің еңбек қорғау саласындағы білімін арттыруға және өндірісте қауіпсіз мінез-құлық мәдениетін дамытуға мүмкіндік берді.