Мемлекеттік рәміздер күніне орай Атырау қаласындағы Ту тұғыр алаңында мерекелік іс-шара өтті. Елдік пен бірліктің нышанына айналған бұл шараға Халел Досмұхамедов атындағы Атырау университетінің студенттері мен профессор-оқытушылар құрамы қатысып, мемлекеттік рәміздерге деген құрметін көрсетті.
Мемлекеттік Ту, Елтаңба және Әнұран – егемен еліміздің басты құндылықтары мен ұлттық мақтанышы. Олар халқымыздың тарихын, мәдениетін және жарқын болашаққа деген ұмтылысын бейнелейді.
Рәміздерді құрметтеу – елге деген сүйіспеншіліктің, азаматтық жауапкершілік пен патриоттық рухтың айқын белгісі.
#РәміздерРухы #КонституцияныңКүші #РәмізгеҚұрмет #Меніңтуымменіңмақтанышым