Х.Досмұхамедұлы атындағы Атырау университеті жанынан құрылған дарынды ер балаларға арналған «Ұстаз» мектеп-интернатының “USTAZ ПРЕМИЯ 2026” атты мерекелік іс-шарасы өтті.
Кеш барысында оқу жылы ішінде жетістікке жеткен үздік оқушылар мен білім мен тәрбиені қатар ұштастырып жүрген ұлағатты ұстаздар түрлі номинациялар бойынша марапатталды.
Іс-шарада «Ұстаз» мектеп-интернатының директоры Қалуова Сәнім Уапқызы сөз сөйлеп, білім ордасының жетістіктері мен шәкірттердің табыстарына тоқталды.
Сонымен қатар Халел Досмұхамедұлы атындағы Атырау университетінің басқарма төрағасы-ректор, Саламат Нұрмұханұлы құттықтау сөз сөйлеп, «Ұстаз» мектебінің ашылу тарихы мен оның жас ұрпақ тәрбиесіндегі маңызын ерекше атап өтті.
«Ұстаз» мектеп-интернаты ұжымына сапалы білім мен саналы тәрбие жолындағы еңбектеріне толағай табыс, шығармашылық жетістік және дарынды шәкірттердің көп болуын тілейміз!