egemen.kz: Атырау маңынан көне күміс тиындар табылды

Х.Досмұхамедов атындағы Атырау университетінің археологтары орта ғасырлық сирек кездесетін көне күміс тиындарды тапты, деп жазады Egemen.kz.

Көне тиын Жошы Ұлысында құрылған Алтын Орда мемлекетінің билеушісі Меңгу-Темір хан тұсында құйылған ақшалар тобына жатады.

«Бұл тиындар белгілі нумизматик ғалым Павел Николаевич Петровтың пайымдауынша ХІІІ ғасырдың екінші жартысына сәйкес келеді. Құйма ақшаның бір бетінде Меңгу-Темір ханның таңбалары, екінші жағында Қытай иероглифтері бейнеленген. Оның себебі Шыңғысханнан тараған Құбылай ұрпақтары мен Шағатай ұлысы арасында қақтығыстарда қолға түскен саяси тұтқын Номуханмен байланыстырады», дейді археолог Амангелді Мұғауұлы.

Сонымен қатар археолог қазбадан тағы көрнекті артефакт «Тағара» ыдысы да бүтін күйінде табылғанын айтты.