Ректор: Президенттің мақсаты – Қазақстанды цифрлық елге айналдыру
Х.Досмұхамедов атындағы Атырау университетінің басқарма төрағасы-ректор С.Идрисов Ел Президенті Қ.Тоқаевтың Қазақстан халқына арналған дәтсүрлі жолдауына қатысты ой-пікірін әлеуметтік желідегі парақшаларында бөлісті.
Президент Қасым-Жомарт Тоқаевтың 2025 жылғы Қазақстан халқына Жолдауы
Биылғы Жолдау ел дамуы үшін стратегиялық маңызы зор бағыттарды қамтыды. Соның ішінде цифрландыру мен жасанды интеллектіні (ЖИ) енгізу мәселесіне ерекше көңіл бөлінді.
Мемлекет басшысы ЖИ негізінде «Қазақ Digital» мектебі атты шағын жинақты мектеп үлгісін әзірлеуді ұсынып, ауылдық жерлердегі оқушыларға сапалы білім алуға жол ашатын жаңа мүмкіндіктерге назар аударды.
Білім және ғылым саласының алдында тұрған міндеттер:
• ұстаздар ЖИ технологиясын жете меңгеруі;
• техникалық кадрларды көптеп даярлау;
• шетелдегі білікті мамандарды елге қайтару.
Х.Досмұхамедов атындағы Атырау университеті Батыс өңірде «AI-Sana» жобасын жүзеге асырып, бұл бағытта жетекші серіктес болып келеді.
Жетістіктер:
• 4500+ студент «Basics AI: AI Overview» және «Search and AI» курстарын аяқтады;
• 3500 студент халықаралық сертификат алды;
• Huawei ICT Academy-де мәтін тану, бейнебақылау, нейрожелілер бойынша тәжірибе жинақтауда;
• Барлық білім беру бағдарламаларына ЖИ пәндері енгізілді;
• LIBAU AI интеллектуалды ассистенті, онлайн кітапхана, МООК жазу орталығы және ғылыми-зерттеу жобалары іске асуда.
Жолдауда айтылған тағы бір маңызды бастама – Жасанды интеллект және цифрлы даму министрлігінің құрылуы.
Оны премьер-министр деңгейіндегі тұлға басқаруы мүмкін.
⸻
Сонымен қатар, бір палаталы Парламент құру бастамасы көтерілді.
Бұл саяси шешім қоғам мен Парламентте жан-жақты талқыланып, 2027 жылы жалпыұлттық референдум арқылы шешілмек.
⸻
Президенттің басты мақсаты – алдағы үш жылда Қазақстанды цифрлық елге айналдыру.
Бұл үшін:
• Цифрлық кодекс қабылданады;
• Мемлекеттік басқару жүйесі түбегейлі жаңғырады;
• Ашықтық, тиімділік және адамға бағытталу деңгейі бірнеше есе артады.
⸻
Бүгінгі әрбір қадам – баянды болашақ үшін!
Қазақстанның Жасанды интеллект дәуіріндегі жаңа кезеңі басталды.
#ЖасандыИнтеллектДәуіріндегіҚазақстан
